بالفيديو: نجمة فلسطينيّة تكشف لحظة إصابتها بالرّصاص الإسرائيلي

المصدر : النهار العربي

تاريخ النشر : الخميس ٢٥ أيار ٢٠٢٤

كشفت الفنانة الفلسطينية ميساء عبد الهادي تفاصيل إصابتها برصاص جيش الاحتلال الإسرائيلي، خلال مشاركتها في تظاهرات للاعتراض على الإخلاء الجبري للأسر الفلسطينية من منازلها وأراضيها في حي الشيخ جراح في القدس.

وشاركت منشوراً طويلاً باللغات العربية والعبرية والإنكليزية عبر حسابها الرسمي في تطبيق "إنستغرام"، متضمناً صوراً وفيديوات حذّرت من احتوائها مشاهد عنيفة ودموية لإصابتها وعلاجها.

وأعقبت المنشور بقولها: "ما فكرت أبداً اني ممكن اكتب هيك ستاتوس وشوي خجلانة من كثير ناس من ابناء شعبي لانه صرلهن الاسوأ مني بكثير".

وأضافت: "يوم الأحد كنت جزءاً من مظاهرة أقيمت بحيفا، مظاهرة مع تصاريح ومظاهرة سلمية.. كنا نهتف فيها، كنا نغني، كنا نفش غُلنا بصوتنا، أنا شخصيا كنت اهتف وعم بصور وبوثق اللي عم بصير بالفيديو".

وتابعت: "بعد بفترة بسيطة من بداية المظاهرة بلشوا الجنود يضربوا قنابل صوت وقنابل غاز، شفت ناس بلشت تتأذى وتختنق، فهمت انه الوضع بلّش يكون خطير، وقفت على جنب بمكان مفروض انه آمن شوي، كنت لحالي، ضهري للجنود لأني عم اصور الاعلام الفلسطينية مع إضاءة جناين البهائية، بإختصار ما كنت اشكل ولا اي نوع تهديد ولا على اي حدا وعم بمشي لفوق اكثر لإتجاه سيارتي".

وأردفت بقولها: "فجأة بحس في صوت كتير قوي حدي وحسيت بنطلوني انمزع! هاد اول احساس حسيته! جربت امشي وفهمت انه صعب كتير امشي وبلشت احس انه في دم عم بسيل حاولت اشوف اجري لقيت نص اللحم برا، كان في شاب شوي قريب مني اللي اجا يساعدني امشي، حاولت افهم شو اللي بالضبط طخوني فيه لانه وضع اجري كان ابدا مش منيح، هل قنبلة غاز انفجرت بإجري او رصاص حي اللي مزعلي اجري او شو بالضبط ما بعرف.. بس اللي بعرفه اني كنت مرعوبة من الفكرة ومن شكل اجري ومن ايش عم بصير بالشباب والصبايا بالشارع".

وأوضحت تلقيها المساعدة من زملائها في التظاهرة: "اجو كمان شباب وصبايا ساعدوني حملوني وأخدوني على جنب، حاولوا يوقفوا النزيف، كنت محظوظة انه بين المتظاهرين كان في مسعف ونجح انه يوقف النزيف عبين ما وصل الاسعاف، مهم انوه انه الاسعاف وصلني بعد بنص ساعة من ما حكوا معه الشباب لانه الشرطة منعته يفوت عند المتصاوبين".

واختتمنت منشورها قائلةً: "شرطة وجنود الإحتلال ابدا ما بترددوا بتعنيف او قتل اي فلسطيني حتى لو ما كان بشكل تهديد على اي حد... هاي مش اول مرة بمظاهرات المفروض انها سلمية الشرطة والجيش بعتدوا عالمتظاهرين. ابدا ما كان عندي شك اني كفلسطينية معرضه للخطر دائما بس هاي المره فهمت حقيقة انه احنا بصف المواجهه الاول وما بفصلنا عن الموت غير الحظ احياناً".

عودة الى الصفحة الرئيسية